胡‧說樓市|逸瓏灣8開箱驗樓! 實測白石角配套係點? | Yahoo Hong Kong

添加 2021年09月22日
白石角的配套一直為人詬病,今次我們除了到逸瓏灣8開箱驗樓之外,仲會實測白石角配套係點,究竟過千萬的單位,交樓質素配唔配得起?

16,000元呎的白石角物業,究竟算不算貴呢? 這區本身以低密度住宅為主,背靠近吐露港海旁,一線單位望無敵海景,海旁還有延線不絕的單車徑,說實在環境頗舒適。我還記得,當時有代理形容這裡是「新界版貝沙灣」,但今日已全數單位入伙,情況又如何呢? 我覺得交通死穴還沒有改善。

拍攝當日真的很大雨,所以有點狼狽。當日我乘搭下午二時半的巴士,下層接近全滿,沿大學站出發,經過迴旋處,直落去到海旁附近就是科學園一帶,中間停了大約兩至三個站,很快就已經可以下車。不過最大問題是「272A」班次相對疏落一點,我並非繁忙時間上車,但巴士下層都迫滿人。

如果想自己駕車又如何呢? 「逸瓏灣8」全盤只有193個車位,以全盤528個單位,也就是說有近335戶沒有車位。他們只能往附近找車位。除了往科學園泊車、運輸署在「雲匯」及「天賦海灣」之間的「科城路」用地為臨時停車場,但只提供178個泊位;運房局剛宣布,計劃在這裡改劃為智能停車場,藉以善用泊車空間增加泊位,但以這裡全區8,000多個單位,你說是否足以應付? 所以現場所見都有一些人選擇違泊。至於日常消費,就只能依賴科學園的餐廳、以及毗鄰一個小型商場。配套差一點,但內部環境又是否足以抵銷其缺點?

我們開箱的單位位於3A座高層D室,面積677呎,我們可以入屋行一轉。「逸瓏灣8」一共由三座組成,當中第三座再細分ABC座,合共提供528個單位,單位面積由490至1,740呎之間,有兩房、三房及四房,標準單位樓底高3.4米,而且都採用梗廚,設計相對人性化一點。

廚房都採用了一些新式裝置,好像這個由上而下拉下來的調味料架,上層可以放3公斤、下層可放2公斤,關起來可以妥善收納調味料,而不用放在廚櫃枱面上,這裡還有一個輕觸式按鈕,可以打開廚房燈。但剛才我們測試過已經壞掉,要發展商職員馬上維修。

驗樓師陳智康發現,廚房鋅盆的漏水問題頗嚴重,若把水直接噴在滿水孔,鋅盆會直接漏水,明顯是接駁位不夠穩固。

這個單位附設天台,有別於一般由內置樓梯上天台,這裡是要走出單位,之後再上來。但驗樓師就發現天台有不少空鼓,擔心若不處理,伸縮縫會容易有氣泡,會有漏水問題。

驗完整個單位,總覺得單位很多細微地方都有甩漏,例如窗框漏裝一顆螺絲、洗手間門框封口線有釘孔,卻沒有補色;最離譜是假天花內,竟藏著一隻工人手套。而單位驗樓得分,則因為廚房漏水一項令單位失分較嚴重,最終只得85分。我們把驗樓結果轉交發展商信和集團,回覆指,大部分執修項目已完成執修,餘下天台地磚事宜,只要天氣狀況許可,另外安排一個工作天即可完成。

內櫳交樓質素有點失手,但看得出「逸瓏灣8」園林會所等都做得用心。項目是信和在2016年從政府招標土地中以16.22億元投得,每呎地價3,932元,為白石角區內十二幅住宅用地中第五低地價,較同系在2009年購入的「逸瓏灣一期及二期」,地價高達7,000多呎,低約46%。

只是隨著區內項目逐個入伙,當日購入的買家多著眼於投資角度,供應重貨、加上交通因素,令租金頗受壓。唯一好處是項目鄰近「中文大學」,近年多了內地生回港,稍為令白石角的租務市場有承接,現時平均呎租約30-33元呎,若以業主購入價1,085萬元計,在扣除4.5元的管理費後,回報只有2厘。

💡 立即追蹤YAHOO HONG KONG CNlinks頻道+開啟推播通知,緊貼最新YAHOO節目影片! bit.ly/3a1jUCG

👉🏻 觀看更多:
胡‧說樓市|YOHO Hub即將開售,實際環境係點樣? bit.ly/3lL3ZR4

评论

  • hi

  • 施政報告:建議興建科學園港鐵站。

  • 預留衣櫃位看起來深度不足26吋?成人衣服橫放起碼24吋。

  • 驗摟師說太多‘其實’了,改善下就聽得舒服一點。

  • 個驗樓師真係唔識野架WO,天台地板係架空隔熱結構,一定係空心地磚啦

  • 沙田站搭綠小

  • 居屋真係好抵住 今年630萬買 550尺 洗左30萬裝修 樓下有商場 巴士小巴的士站小學幼稚園 行去地鐵10分鍾 不知幾好住

  • 其實住得白石角,都係想要追求環境多過交通 尼區環境真係其他地方搵唔到,就算日出康城都比唔到尼種感覺 我就係鍾意佢尼種配套,太多大型商場反而顯得俗氣 而交通方面又已經有直車900出港島返放工 不過如果900行埋全日線就已經已經非常方便

  • 管理費好貴。

  • 公路嘈吵, 睡房冇窗, 黑廁, 細廚房, 趟門放在屋外, 天台要經公用樓梯. 咁既樓都要十幾球野 ?

  • 白石個始終不方便

  • 俾得16000蚊呎價 有好多選擇啦!啲工人買餸要去大埔墟先買到多啲餸選擇,一去就要用四~五粒鐘先返到嚟,講真有BB或细路仔,咪带住去買餸定留低俾你自己湊仔?衣食住行都要出去沙田 大埔墟新界買嘢,如果出市區無車,仲要睇住頭尾班車接駁,返到屋企都半夜,冲埋凉咪成點幾鐘 先有得瞓,第朝又要早啲起身 長途跋涉出門去返工,如果要下下坐的士 咁嘅生活水平之下, 使買咁遠住得咁麻烦?住得新界養架車嚟方便係廢話,不如住近市區多啲時間用 有得瞓好過,住到咁 有會所幾靚都係假,又唔係你私有,啲會所你玩一排就會慢慢少用,啲人最多叫啲老年父母去坐一日 當嗰度係有保安睇住你啲父母暈低的話 會有人通知你!二來夏天想慳冷氣 啲水 電費同上網,坐到晚頭刻 就返家食飯瞓到第二朝又落去,好似你返工咁去坐一日,咁講真 俾坐係M記班老嘢舒服啲嘅,如果為這原因 去買個咁新界樓盤,就寧願住出便市區 都唔入新界區住,嗰啲新界商場 咪又唔係人山人海 一樣迫餐死,成日講時間就是金錢 都唔知係乜理念...

  • 其實唔一定喺大學站搭,喺沙田火車站有㗎 27 A,直頭可以在朗濤門口落,向後行返返去逸龍灣8門口都係幾十步,仲近啲,如果真係喺大學站搭想去逸瓏灣8,坐272 K係最近的!

  • 住到咁遠,都係想有空間感, 已經係高層單位,都係望樓境, 兩間細房又細(2合1就差唔多), 真心唔鐘意😌

  • 比千幾萬買個單位.但質量就麻麻...做嘢拿西

  • 千幾萬買個細單位樓望樓,真系哈哈哈,香港人真悲哀👍

  • 唔坐272A,可以坐272k, 好密吓。而且可以由沙田坐小巴入去,都好快。其實你坐巴士或小巴去科學園3期行過馬路仲方便,車費又平啲。民生商舖不須依賴逸龍坊小型商場。科學園有(新)百佳。科學園3期有好多嘢食,飲茶,茶餐廳,星加坡嘢,台灣牛肉麵,珍珠奶茶,日本拉麵等。好方便! 逸龍灣8的「死穴」其實係正門對正「污水處理廠」。地價比較低其實係有原因嘅。

  • 細得可憐

  • 而家香港搞到咁嘅環境,仲買樓🥱🥱🥱

  • 16000好進取 以而家市況 10年內賣出都唔會有賺 管理費仲要4.5 完全冇配套 商場仔都冇?

  • 真係大鑊呀!香港,咁貴,成間屋都仲咁侷促,客廳同主人房仲咁細。真係😪😪😪還掂遲下香港都融入大灣區咯(即同大陸一樣),囉呢舊錢上去買憧三層別墅好過啦。

    • 人地系香港返工要系香港住 ,唔好on9啦

  • 超唔方便~輸哂

  • 個租金回報通脹都無左

  • 呀胡都係小心啲,我發現係唔同網上平台每次一討論白石角,總會有一大班疑似AA定業主嘅人激烈唱好同起晒扛😂

  • thank you!

  • Very inconvenient if commuting by bus only. Forget about it.

  • 交通不便,缺少生活配套,天台要由公共樓梯上,白石角樓冇海景,16000/尺,呢隻艇有排坐

    • 買嗰個死嗰個!

    • 你去過白石角未?交通都唔知幾方便!生活配套,okay 吖

  • 間屋個景觀都幾差下,成間屋少少亮點都搵唔到,特色單位,連個天台都唔靚,唔值16000

  • 科學園員工話你知, 呢度無乜野好食

    • @Michael Potter 香港好多商場美X 大X樂 大X活 不斷續約 唔見得好食得去邊 每日食lunch 大概都知邊D得邊D唔得 個間開左無耐間FARM XXX 個黑毛豬叉燒飯賣$9X就真係唔係好掂喇 半價都唔會再食 都係個句某D樣野食五六十蚊 好食過出面D茶餐廳 好好㗎喇 一間店三五十樣野有一兩樣好食都OK㗎喇 咁多間食店 夠兩三星期先LOOP返食同一樣野 算好了

    • @Wesley Yau 講緊全部啦,科學園宜家有幾多餐廳先得架,前排先有4,5間餐廳不獲園區續約

    • @Michael Potter 咁多間你講邊間?你有冇食過先?定係幾十蚊你想有威靈頓牛柳/逸東酒店中菜廳級數? 🤣

    • @Wesley Yau 你真係覺得佢地好食???

    • 科學園3期有好多食肆,過條馬路就到

  • D房細到呢 ⋯⋯⋯

  • ........自動關閉門工作平台....hahaahh, such a new cute innovation.. hkers r so creative indeed˜! XD

  • 成個白石角都係規劃失敗, 衣, 食, 住, 行 樣樣差

    • @Jos Tse 咁逸龍灣2期個地下商場都有market place , costini, hktvmall, 酒家, 理髮店 19W D野食有幾間算係咁 酒樓/武吉士/Hunky Dory 唔係好好食 但中上咁啦

    • @Jos Tse 如果要搭鐵路要去番大學?

    • @Jos Tse咁你仲唔買多間?

    • 冇乜野既...最近開左間百佳係 朗濤和逸8 隔離附近, 19W 最近開左3,4間餐廳咁唶.

  • 其實好心d發展商整大小小露台送俾買家啦,下下計到甘盡🥺

  • 👍👍

  • 272A同272K可以輪住搭, 所以其實啲班次唔算太疏

  • learn a lot this area. thank you.

  • 最慢方法就係由大學站搭巴士.. 請做好資料搜集..唔好誤導人. 最快方法..是由沙田搭27A 8min 去到朗濤下車. 隔離就係逸8. 27A小巴 密到基本唔洗等車.

    • 同埋有時出沙田 吐露港塞到high high 我試過塞成半粒鐘成出到沙田 當然唔係經常 其實白石角D VAN真係堅多 不過人搭既人都唔少 由其是科學園返放工既人

    • 正常既,事關今次呀胡唔係做特約樓盤😂緊係要搵位唱衰 你睇番佢之前做既特約樓盤,垃圾盤都講到寶咁

    • @Wilson POON 你又係嘅,繁忙時間,全世界塔車都要等好耐時間架啦,不如話暴動時間去塔下?一部27A都冇得你搭添,梗係排頭27A快好多啦。

    • @Wilson POON 大約5、6分鐘就上到車 不過我係朝早8:00入去

    • 您先係誤導人,你試下繁忙時間去搭下27A等車同坐車要幾耐時間